Recaudado
775€
A favor de
40 Aniversario da Asociación Érguete: Unha gran homenaxe para as nais que cambiaron a toda unha sociedade
Faremos unha gran gala no Teatro Afundación na súa honra o 9 de outubro e precisamos a vosa axuda
Reto liderado por
Categoría
As nais da Asociación Érguete comezaron a súa loita en outubro do 1985. Eran todas mulleres humildes, que non sabían o que lle estaba a pasar cos seus fillos, pero que querían rachar co silencio, coa soidade e coa impotencia. Elas, tamén algún homes, xuntáronse para cambiar toda unha sociedade e hoxe, 40 anos despois, o seu legado e historia viva de Galicia. Por iso, a Asociación Érguete brindaralles en colaboración coa Afundación unha gran homenaxe no Teatro Afundación de Vigo o vindeiro xoves 9 de outubro ás 20.00 horas. A entrada vai ser gratuita, pero precisamos a vosa axuda para financiar unha gala que é moi ambiciosa e que será unha gran festa para cada unha destas mulleres. As que están e as que non.
A gala estará conducida por Xosé Antonio Touriñán, Carlos Blanco e Arantxa Treus, que destacou hoxe que para ela é un orgullo poder participar nesta homenaxe a unhas nais que salvaron vidas. Ademais, durante a celebración no Teatro Afundación tamén actuarán Fillas de Cassandra, A Banda da Loba, a academia Media Punta e Sofía Gaona e haberá espazo para que as nais de Érguete conten a súa loita ao público e que as persoas usuarias da Asociación, que atende a 8.000 persoas cada ano, poidan mostrar a súa voz a través de distintas expresións artísticas que están preparando.
As entradas son gratuítas porque “queremos que sexa unha festa de todo Vigo e Galicia. Unha homenaxe na que poidan estar todas as persoas que o desexen”, indica a coordinadora da Asociación Érguete, Elvira Rivas. A inscrición pode facerse a través dun formulario electrónico ou presencialmente na sede da entidade. As persoas que consigan entrada, vai por orde de inscrición, serán notificadas como tarde unha semana antes da gala.
Na ceremonia tamén haberá un momento especial para agradecer a todas as nais, traballadores e persoas usuarias que xa non están. A todas esas persoas que fixeron de Érguete o que é hoxe e que, tamén, loitaron contra o narcotráfico.
Dora Carrera e Elvira Vázquez, ambas dúas nais fundadoras da asociación, lembraron na presentación da gala a todas as compañeiras que xa non están e sentíronse afortunadas de compartir a loita con mulleres como Carmen Avendaño, “a nosa chave mestra”, Tonina, Mari Graña, Asunción e tantas outras. Nunca pensaran que ían mover a tanta xente, que recibirían unha homenaxe tantos anos despois da súa loita e queren agradecer de corazón todas as mostras de cariño que están recibindo este ano.
A nosa misión é traballar para xerar oportunidades e prestar servizos a persoas e familiares afectadas por condutas aditivas, disruptivas ou de risco impulsando a súa inclusión e fomentando hábitos de vida saudables, tendo sempre en conta a perspectiva de xénero.
A nosa visión é aspirar a ser unha asociación referente na prevención e intervención en condutas aditivas e problemas asociados, con servizos de calidade e innovadores, profesionais expertos, e sendo unha plataforma para a denuncia social.
Os nosos valores son desenvolver a súa estratexia e busca conseguir os seus obxectivos guiada polos seguintes valores: Profesionalidade, innovación, sensibilización, compromiso social, flexibilidade / adaptabilidade, calidade, e igualdade de xénero.
As nosas liñas estratéxicas son:
* Dar unha atención personalizada e áxil ás persoas que requiren os nosos servizos.
* Dispoñer de persoal profesional capacitado para levar a cabo a misión da Asociación e que todo o equipo estea satisfeito de formar parte de Érguete.
* Mellorar a coordinación e comunicación entre procesos craves para poder ofrecer proxectos innovadores e de máxima calidade que dean resposta ás necesidades de quen o requira.
* Mellorar a sustentabilidade económica conseguindo novos ingresos e procurar que os obtidos sexan máis eficentes.
Donantes (27)
Xiana
50€
Hace 148 días
Jose
10€
Hace 148 días
Ana
25€
Hace 148 días
Noemí
20€
Hace 148 días
Ilduara
20€
Hace 148 días
Anónimo
15€
Hace 148 días
Anónimo
Donación oculta
Hace 148 días
Anónimo
Donación oculta
Hace 148 días
Anónimo
Donación oculta
Hace 148 días
Anónimo
Donación oculta
Hace 148 días
Xosé Francisco
50€
Hace 148 días
Manuel Francisco
50€
Hace 150 días
Jesús
35€
Hace 150 días
Anónimo
Donación oculta
Hace 151 días
María de la Paz
35€
Hace 151 días
Sonia
20€
Hace 151 días
María
Donación oculta
Hace 152 días
Anónimo
Donación oculta
Hace 154 días
Cristina
80€
Hace 154 días
Alberto
Donación oculta
Hace 154 días
Anónimo
20€
Hace 158 días
Antón
103€
Hace 159 días
Pedro
5€
Hace 159 días
Cristal
20€
Hace 163 días
Anónimo
35€
Hace 164 días
Mariña
15€
Hace 165 días
Asociación Érguete
5€
Hace 165 días
Comentarios (8)
Noemí
Grazas pola vosa inestimable labor e por deixarnos formar parte de esta homenaxe.
Ilduara
Moitas grazas e ánimo!
Cristina
Donativo 40 aniversario
Pedro
Forza a este equipazo!
Cristal
Sodes fantásticas o que non consigades vos, non o consigue ningún. Forza e solidariedade!
Asociación Érguete
Unha homenaxe ben merecida!!